Gå til hovedinnhold

Eg vil ut, møte folk og drikke kaffe

Eg solar meg på altanen kvar dag i dette fantastiske april-veret langt ute på bygda på Vestlandet, nærmare bestemt Bygstad i Sunnfjord. Det er kort sagt fabelaktig. Det passar meg fint å kome meg vekk frå innestengte Oslo-kontor, pc-lys og åpent landskap der telefonane ringer i eitt sett, mobilen piper og ein må lese nettaviser raskare enn lynet for å halde seg oppdatert.

Eg er journalist.
Og den som innbiller seg at dette alltid er eit eksklusivt yrke må tru om att. JOda det er kjempekult og gøy og alt det der, men det er og blir for min del i min noverande jobb ein kontorjobb og eg er litt (DRITT)lei kontorjobbing. Eg har lyst til å bli oppdagelsesreisande, ikkje nødvendigvis Thor Heyerdahl 2, men meir ein utegåande journalist som drar omkring og møter vanlege folk, ikkje berre forskarar, politikarar og andre samfunnstoppar. Sistnevnte er interessante i massevis, ikkje misforstå meg, men av og til savnar eg å møte folk der folk lever, heimelaga kaker med ein kopp kaffe og det å parkere bilen i veikanten for å ta eit bad på vei til intervjuavtale, heller enn å trykke null, få summetone og ta ein intervjuet over telefonen.

Dei intervjua eg har likt best å gjere, har foregått i vasskanten i eit naust med måkar kretsande over hovudet, eller på ein holme langt ute i havgapet på jakt etter oljeklumpar, på ei søppelfylling på Sandane eller under dekk i ein russisk krabbetrålar i Kirkenes. Det er då du føler livet og verda og samfunnet på kroppen. Det er då eg kosar meg aller mest: ute blant folk med notatblokk, kamera og kaffe.

På bjørnejakt i Jostedalen
Eg hugsar eg drog på reportasjereise til Jostedalen i Sogn. Det var bjørn i Jostedalen den sommaren og mange sauer var ihjelrivne. Eg hugsar stemningen låg som eit trykkande lok over den stupbratte dalen der vegen slynga seg oppover. Seint på kvelden åt eg kaker hos eit eldre ektepar høgt oppe i fjella. Dei fortalde om ei bjørnejakt mange tiår tidlegare medan dei heile tida fyllte på med kaker og kaffe. Etterpå klatra eg og to av jegerane, no gamle menn, oppover fjellsidene for å sjå staden der bjørnen fall. Medan sola gjekk ned og fjellsidene vart svarte, fortale dei medan uhygga senka seg. Eg tok masse bilete, minnebrikka mi vart full og batteriet døde. Eg sa ingenting. Vi gjekk ned igjen. Slike opplevingar er det eg som journalist lever for, eg lever ikkje for kontorpulten min. På tide å skaffe seg jobb i lokalavis kanskje? Tja. Eventuelt på tide å gå dokumentar.

Lungebetennelse er ferie
Eg skal begynne å pådra meg lungebetennelse oftare slik at eg får eit par veker fri sånn på vårparten. Slik som no. No snakkar eg ikkje om kjempeharde lungebetennelser der ein ligg strekk ut med feber og kokar i senga fleire veker i strekk medan dampen stiger opp mot taket og stenger for vindauga som må vere lukka grunna fare for at du dør dersom det kjem trekk. Nei eg skal pådra meg snille forsiktige lungebetennelsar, som denne mykoplasma betennelsen eg har no. Den er beint fram ganske koselig selskap i vårveret. Eg føler meg jo heilt frisk sjølv om det er ei veke att av sjukmeldinga. Det er legen som har bestemt det, men utan den fine slimløysande medisinen hadde eg nok brukt ein del meir energi på å hoste enn eg gjer per idag. Så takk og pris for medisin. For all del: får du lungebetennelse, gjer som legen seier: et medisinar, ikkje spring opp bratte bakkar og unngå trekk. Då vert du frisk.

Eg er sitert!
Og om ikkje det er nok at eg har fått ein fin lungeferie på landet (rehabilitering hos mine foreldre), er bloggen min i dag sitert på http://sonitus.org/ , så når dei siterer meg, så siterer eg like godt dei også: "For nye besøkende som lurer på hva Sonitus er for noe, så er vi altså en nettside med en liten redaksjon som leser gjennom en uforskammet stor bunke med blogger flere ganger om dagen, ene og alene for å plukke ut de aller beste postene og presentere link til dem her på sonitus.org."

Eg liker sonitus-konseptet men har dessverre ikkje visst om det før! No veit eg iallefall om det og heretter blir eg nødt til å skrive endå betre bloggpostar for å klare å halde nivået så høgt at eg atter ein gong kan bli sitert.

Populære innlegg fra denne bloggen

Når den døde bestemora di spring etter deg på alle fire

Igår las eg den første barneboka eg har lese på lenge. Den handla om eit spøkelse, trudde eg, men det viste seg at det var eit romvesen. Det handla rett og slett om eit romvesen som sat fast i eit romskip nedi jorda under ei gran ute i skogen etter å ha krasja i ein skogbrann. Det vart heile tida hinta til at dette skumle sat fast, så eg tenkte det var ein vampyr som sat fast i ei kiste (Den vesle vampyren), eller eit lik eller noko som var levande begravd (murt inn i veggen). Så eg sat da å vente på ein vampyr, ein varulv eller eit realt spøkelse. Potensielt ein kjekk Twilight-type. Men no kjem det verste av alt (Eksorsisten). Vesenet tar knekken på bestemora medan jenta ser på. Bestemora slenger seg hit og dit i senga og blod renner og hovud sprekk. Og så kryp vesenet inn i den døde bestemora til hovedpersonen og får denne døde bestemorskroppen til å drive å springe etter hovedpersonen. Det er det verste eg har lese på lenge. Beinpiper og innmat og blod og springande døde bestemødre ...

Faktafeil om eggproduksjon frå Matprat

Matprat påstår at levetid for høner er 70 veker. Dette er ein faktafeil. Deretter blir dei slakta og solgt som høns, skriv matprat. Dette er også ein faktafeil. Dei fleste høner blir gass  ihjel og etterpå brent.  Fakta er at verpehøner i industrielt verpehønshald blir slakta etter 70 veker. I naturen, eller om dei får sjansen, kan høner leve i opp mot ti år. Levetida er altså ganske mykje lenger enn matprats påståtte 70 veker. Slik Matprat framstiller det, kan det oppfattes som at høner blir slakta når deira levetid likevel er slutt. Dette er altså feil. Dei blir slakta lenge, lenge før. Verpehøner i industrielt fjørfehald har fått rugeeigenskapane sine bortavla. Dei kan altså ikkje formeire seg naturleg. Dei må rugast ut i rugemaskin. Høner i naturen ville lagt to tre fire kull med kyllingar per år, med rundt ti kyllingar i kvart. Det er ikkje naturleg for ei høne å verpe kvar dag, men gjennom avl har ein fått fram høner som verp seks egg i veka, og ein avlar...

Tamme elgar som produserer ELGpapir, ELGolje og ELGmelk

I Jämtland lagar Sune Häggmark papir frå elgmøkk, ost frå elgmelk og lanolin frå elgpels. ­ Verdas dyraste ost! roper Sune Häggmark på svensk, stotrande engelsk og improvisert fransk. ­ Shit is money! Money, money, money! Jag älskar moose!   Fleire titals turistar, deriblant mange nordmenn, står tett i tett på tunet i Orrviken, ein kjapp køyretur sør for Østersund i svenske Jämtland. Her har Häggmark realisert sitt eige elgparadis med produksjon av papir frå elgmøkk, ost frå elgmjølk og lanolin av feittet i elgpelsen. Han er den entusiastiske gründeren bak turistverksemda Moosegarden, eller "elghagen" på norsk. Häggmark lever godt, svært godt etter at Moosegarden vart starta i 1997 som ein følge av to morlause kalvar som trong ein heim. Han gjer det klinkande klart for dei store flokken turistar at det er ei mengde pengar i elg. Moosegarden eksporterer elg til Polen, Tyskland og England. Inspirasjonen hentar han frå Russland. Ein tam elg kostar 35 0...