Gå til hovedinnhold

Den største terrortrusselen i India er ikkje Pakistan.

(Denne kommentaren stod på trykk i Dag og Tid 30.januar 2009).

19.desember landar eg i Hyderabad i India. Hyderabad, også omtalt som Cyberabad, ligg i delstaten Andhra Pradesh og husar Microsofts største campus utanfor USA samt tre Taj Mahal hotell. Dei ser alle ut som store slott. Dette er det andre India, seier admiral L. Ramdas, tidlegare sjef for den indiske marinen, der vi står i rulletrappa opp til tredje etasje i Prasads IMAX Theater, verdas største 3D kino. Det første India i denne samanheng, er India utanfor luksusen, og utanfor storbyen der spesielle økonomiske soner som skal gi auka eksport, auka inntekter og større global makt, sakte gneg i seg beiteland og landsbyar der ein bonde tek livet av seg kvart 22.minutt.


Dansegalla og sjølvmord


Likevel. Det er ikkje få spaltemeter som går med til å mimre over det andre Indias minner om gamle dagars dansegalla i Taj Mahal, og til å fortelle om alle dei nye sikringstiltaka i forbindelse med gjenopninga av hotellet. Nokre spaltemeter går også med til å fortelle om alle som tar sjølvmord på grunn av finanskrisa, på grunn av ein forelska mann som ikkje vil gi seg med tilnærmingane sine, på grunn av forbod mot å gifte seg med sin utkåra, eller påbod om å gifte seg med sine foreldres utkåra.Ei sak fortel om ein gut som drap ei jente på bestialsk vis etter at ho hadde avviste hans infanticide sjekketriks, og The New Indian Express skriv på leiarplass at altfor mange menn veks opp med alvorlig feilaktige idear om kva kjærleik går ut på, og med liten respekt for ei kvinnes verdigheit og rett til å velge.


Syre og kjærleik


Alt dette blei skrive i etterkant av syreangrepet på den 22 år gamle ingeniørstudenten Swapnika i Warangal i Andhra Pradesh. Ho vart angripen på veg heim frå college av ein forelska gut ho hadde vore eigenrådig nok til å avvise. Den avvisninga tålte han ikkje. Han måtte ta hevn. Men etter syreangrepet tok politiet saka i eigne hender og drap dei tre gjerningsmennene. Faren til den eine fekk hjarteåtak, faren til den andre meinte dei fortjente døden. Swapnika smilte der ho låg då dei fortalde henne om drapa, men sopp hadde spreidd seg til hjernen hennar og tida var i ferd med å renne ut. Indiske aviser sparer ikkje på detaljane, og heile landet heldt pusten. 31. desember forlot ho livet.


Les ein boka Sangati av den kastelause Dalit-kvinna Bama, utgitt på engelsk av Oxford University Press i 2008, begynner ein å skjøne kva slags samfunn det er mange av desse kvinnene lever i. Mann slår kone, slår søster, slår dotter, slår mor i ein evig sirkel der slave er slave av slave. Du er ikkje galen eller sjuk på sinnet om du skjer nasen av kona di. Du har berre tatt til deg det samfunnet lærer deg, nemleg at du er ikkje mann om du ikkje bankar kona di, vart eg fortalt.


Mannleg terrorisme


Bilen vert stoppa, bagasjerommet opna og ein scanner stukken inn før vi får køyre inn i parkeringshuset, ned i kjellaren under salane i Prasads IMAX Theater. Ved hovudinngangen er det kroppsvisitering for kvinner og scannerport for menn. Mi misnøye med terrorovervaking og argument som at overvakinga begrensar individets utfaldelse, fall uansett ikkje i god jord verken her eller der, men om ein ikkje samarbeider veit eg ikkje kva som skjer. Kanskje eg ikkje får gå på kino.Men etter fleire kveldar i samtale med dei indiske kvinnene, slutta eg med mine smålege irritasjonar over den for meg fjerne og uverkelege terrortrusselen. Eg hadde møtt nokon som levde med ein terror som verken var fjern eller uverkeleg. Terrortrusselen desse kvinnene står ovanfor kvar dag, er ikkje fjern. Den forsvinn ikkje ved auka vakthald rundt Taj Mahal. Den er i deira eige hus. Terroren er ein mann.

Populære innlegg fra denne bloggen

Når den døde bestemora di spring etter deg på alle fire

Igår las eg den første barneboka eg har lese på lenge. Den handla om eit spøkelse, trudde eg, men det viste seg at det var eit romvesen. Det handla rett og slett om eit romvesen som sat fast i eit romskip nedi jorda under ei gran ute i skogen etter å ha krasja i ein skogbrann. Det vart heile tida hinta til at dette skumle sat fast, så eg tenkte det var ein vampyr som sat fast i ei kiste (Den vesle vampyren), eller eit lik eller noko som var levande begravd (murt inn i veggen). Så eg sat da å vente på ein vampyr, ein varulv eller eit realt spøkelse. Potensielt ein kjekk Twilight-type. Men no kjem det verste av alt (Eksorsisten). Vesenet tar knekken på bestemora medan jenta ser på. Bestemora slenger seg hit og dit i senga og blod renner og hovud sprekk. Og så kryp vesenet inn i den døde bestemora til hovedpersonen og får denne døde bestemorskroppen til å drive å springe etter hovedpersonen. Det er det verste eg har lese på lenge. Beinpiper og innmat og blod og springande døde bestemødre ...

Faktafeil om eggproduksjon frå Matprat

Matprat påstår at levetid for høner er 70 veker. Dette er ein faktafeil. Deretter blir dei slakta og solgt som høns, skriv matprat. Dette er også ein faktafeil. Dei fleste høner blir gass  ihjel og etterpå brent.  Fakta er at verpehøner i industrielt verpehønshald blir slakta etter 70 veker. I naturen, eller om dei får sjansen, kan høner leve i opp mot ti år. Levetida er altså ganske mykje lenger enn matprats påståtte 70 veker. Slik Matprat framstiller det, kan det oppfattes som at høner blir slakta når deira levetid likevel er slutt. Dette er altså feil. Dei blir slakta lenge, lenge før. Verpehøner i industrielt fjørfehald har fått rugeeigenskapane sine bortavla. Dei kan altså ikkje formeire seg naturleg. Dei må rugast ut i rugemaskin. Høner i naturen ville lagt to tre fire kull med kyllingar per år, med rundt ti kyllingar i kvart. Det er ikkje naturleg for ei høne å verpe kvar dag, men gjennom avl har ein fått fram høner som verp seks egg i veka, og ein avlar...

Tamme elgar som produserer ELGpapir, ELGolje og ELGmelk

I Jämtland lagar Sune Häggmark papir frå elgmøkk, ost frå elgmelk og lanolin frå elgpels. ­ Verdas dyraste ost! roper Sune Häggmark på svensk, stotrande engelsk og improvisert fransk. ­ Shit is money! Money, money, money! Jag älskar moose!   Fleire titals turistar, deriblant mange nordmenn, står tett i tett på tunet i Orrviken, ein kjapp køyretur sør for Østersund i svenske Jämtland. Her har Häggmark realisert sitt eige elgparadis med produksjon av papir frå elgmøkk, ost frå elgmjølk og lanolin av feittet i elgpelsen. Han er den entusiastiske gründeren bak turistverksemda Moosegarden, eller "elghagen" på norsk. Häggmark lever godt, svært godt etter at Moosegarden vart starta i 1997 som ein følge av to morlause kalvar som trong ein heim. Han gjer det klinkande klart for dei store flokken turistar at det er ei mengde pengar i elg. Moosegarden eksporterer elg til Polen, Tyskland og England. Inspirasjonen hentar han frå Russland. Ein tam elg kostar 35 0...